入住坂茂設計水田酒店!走訪山形縣賞櫻名所3選

日本百大名城與櫻花「霞城公園」

每年4月中旬至下旬係山形縣的賞櫻旺季,想睇靚靚櫻花配古城可以去霞城公園!呢度有於2006年被選定為「日本100名城」的「山形城遺跡」,而家已經係都市公園,到咗櫻花季節就會有約1500株櫻花滿開,場面相當綺麗!

霞城公園
地址:山形縣山形市霞城町1-7

乘搭櫻花列車賞櫻「Flower長井線」

然後大家可以去乘搭「櫻花列車」,就係「Flower長井線」!車廂的外觀主題係「春夏秋冬」,其中春天就係粉紅色的櫻花圖案。呢條鐵路共有17個站,沿途仲會行經開滿櫻花的地方,再睇埋最上川河川景色!

Flower長井線
網站:https://flower-liner.jp/

遲到好過無到 5月能夠睇櫻花「白川池湖岸公園」

同一期間,位於飯豐町的「白川池湖岸公園」,呢度位於白川水壩及白川湖的附近,公園內設有露營場地同玩獨木舟等等。於4月中旬至5月中旬就有期間限定的絕景,冬去春來時的溶雪時期,就有水没林的罕見景象。當然園內都有櫻花睇,而且於5月中旬先開花,所以遲咗的朋友都有櫻花睇!

4月中旬至5月中旬就有期間限定的絕景
園內都有櫻花睇,而且於5月中旬先開花,所以遲咗的朋友都有櫻花睇!

白川池湖岸公園
地址:山形縣飯豐町數馬218-1

日本三大雛吊飾的「傘福」

另外除咗睇櫻花,其實山形縣仲有好多嘢睇!例如位於酒田市的「山王俱樂部」,呢度可以參觀日本3大雛吊飾的「傘福」,呢種自江戶時代流傳至今的飾物,係當地婦女以舊和服的布,帶住祈求的心去製作而成。一個一個飾物連結成一線,再掛於大傘下,去祈求子女健康繁榮同家庭幸福。

當然園內都有櫻花睇,而且於5月中旬先開花,所以遲咗的朋友都有櫻花睇!

傘福 山王くらぶ
地址:山形縣酒田市日吉町2-2-25

稻田景致著稱「水田露台庄內酒店」

最後再介紹一間住宿好推介「水田露台庄內酒店」,係由世界著名建築師坂茂設計。而山形縣的庄內係日本的稻米生產地區之一,呢度以稻田景致著稱,酒店設有大型露台可以欣賞得到。

水田露臺庄內酒店
地址:山形縣鶴岡市北京田字下鳥之巢 23-1