去左咁多次日本，都係第一次去滑雪場！第一次就比左新瀉啦，今次我哋嘅目的地係新瀉既越後湯澤，係上野站出發搭個幾鐘車就到啦！呢度除左可以滑雪，仲有好多溫泉酒店可以浸埋溫泉呀！

今次我地主要既行程就係Gala滑雪場同埋清津峽！去Gala滑雪場既交通非常方便，係越後湯澤嘅車站就有免費嘅接駁巴士，大概10分鐘到就到滑雪場啦！然後去到滑雪場就可以去counter買飛，如果你唔滑雪既都可以選擇觀光嘅門票，價錢會比較平，如果你係熱愛打卡，呢度都足夠你影一日，因為呢度嘅雪景真係好靚好壯觀

如果想滑雪，但係又係新手嘅話都唔使驚，呢度都有初學者嘅課堂同埋新手嘅滑雪道，所有嘅裝備都可以喺滑雪場度租到，非常方便！

清津峽又係另外一個景象，係越後湯澤嘅車站搭20分鐘左右嘅巴士就可以去到入口，然後行30分鐘左右上山，打卡位必定係天空之鏡！除此之外仲有好多地方都可以打卡影到靚相！

綜合返今次既行程，新瀉日本當地人較多，都有少量外國/ 香港/ 台灣/ 內地旅客，唔會有好似係東京瘋狂血拼既緊湊行程，每日行程結束之後返酒店浸溫泉真係好Relax，自駕遊既朋友都可唔可以選擇新瀉呀

Featured by @michellee_diary