新潟縣3日遊 by 馬高斯TV

新潟Day1

今日一朝早坐新幹線去新潟縣,沿途窗口見到大片雪景已經開心仔!幸好去到新潟並無落雪又唔太凍!成功落車後就開始大長途自駕遊,第一站去「新潟阿賀野リゾート」初次體驗日本的Glamping。入住由隈研吾設計的「住箱」,內裡的用具均由snow peak去監修。從營地走過隔離就係「五十嵐邸」,能夠漫步日式庭園,再參觀昔日達官貴人的豪宅,晚餐品嚐暖笠笠的鍋物料理,初嚐新潟縣產的豬肉「純白のビアンカ」,飯後去由古倉庫改建而成的酒吧「KURA」,任飲金賞手工啤!

去新潟縣最好就係自駕遊
新潟阿賀野リゾート
睇住雪景嘆咖啡
五十嵐邸
snow peak係人氣的露營用品品牌
晚餐的前菜

新潟縣產的豬肉「純白のビアンカ」

任飲金賞手工啤
Glamping可以不帶任何用品享受露營,有職員會準備好食材,等大家自製早餐!

新潟Day2

新潟的第二日返到市區,參觀「新潟市動漫情報館」,剛好遇上《五等分的花嫁》展覽!然後沿路走過「萬代橋」,再去「白山神社」參拜,午餐於商店街內隨機搵食,品嚐「Side by Side Spice Stand」的咖哩料理,一次過試盡五種特色咖哩,同日本的咖哩唔同,呢度夠晒正宗,香料味同辣味都好足料!另外今日的朝早及夜晚,分別去咗「新潟日報メディアシップ」、「Befcoばかうけ展望室」兩大展望台睇新潟市的白天城市靚景及醉人夜景,重點係免費入場!

第一站去「新潟日報メディアシップ」睇市區全景
新潟市動漫情報館
另外館內仲有常規展區
剛好遇上《五等分的花嫁》展覽!
萬代橋
Side by Side Spice Stand
白山神社
晚餐品嚐新潟傳統名物「海藻蕎麥麵」
Befcoばかうけ展望室

新潟Day3

話咁快嚟到第3日,一朝早自駕去到「にぎわい市場 ピアBandai」,參觀魚市場及肉類市場,大家可以於市場購買刺身品嚐!而我就被一間「百一膳」吸引住,呢度主打「牛扒丼」,牛扒切成一塊塊再用汁燒,肉質鮮嫩多汁夠牛味,然後白飯就用「釜」去烹煮,達至猶如煲仔飯般的脆口飯焦,真係一試難忘!

百一膳
牛扒丼

跟住就自駕遊去「清津峽」,呢個已經唔用的隧道,現時就係一個打卡影相的好去處,每個隧道口都有唔同特色佈置,例如好多個洞、上下水面映照等等,唔同間段更有唔同燈光,綠燈位置更有日本特攝片氣氛,不禁嚟一次「變身」!

清津峽
清津峽

夜晚就去到「越後湯澤溫泉」入住「東映溫泉旅館」,呢間旅館係「東映」公司旗下的旅館,「東映」就係推出《幪面超人》、《超級戰隊》、動畫《龍珠》、《光之美少女》等動漫作品的公司。而旅館最特別係設有「幪面超人」及「光之美少女」主題房間!鍾意滑雪的朋友都要留意,事關走出旅館門口就係「湯澤高原滑雪場」。

東映溫泉旅館
房間內到處都係幪面超人!
連洗手間都有幪面超人!
入住幪面超人主題房可以獲得多款精品!

馬高斯TV

YouTube / Facebook / Instagram