Day0 等左咁耐終於有得去滑雪😍😍今次黎新瀉縣既越後湯澤，入到黎就白芒芒一片，望出去全部都係雪，個站仲好多人添😆😆多過東京🤣🤣第一晚住靚靚溫泉旅館😍 越後湯澤溫泉瀧乃湯旅館

Day1 滑雪天，一大早就約左雪國教練上3個鐘堂，一對二既私人班跟程度學得好快，所以要更早地起身食早餐+租雪具，再由雪具鋪送我地去岩原滑雪場😍😍呢到d 雪具鋪都包接送，揀好裝備就直接車我地去雪場勁方便，滑雪場超級闊，d 雪又靚，幾推薦新手黎滑😚😚

上完3個鐘落堂即刻去食野😆😆咖哩豬扒飯+拉麵，做完運動食咩都好食😂😂正正常常質素

Day2 第二天滑雪@神立滑雪場🙆🏻‍♀🙆🏻‍♀
好抵玩又超多人既雪場，雪質幾好，上晝滑哂所有綠色線，下晝就即刻落雪，能見度好低，睇唔到靚景😝😝有闊斜坡又有林路揀既新手區都幾正架🤩🤩

抵玩既原因係佢平日有兩款套票，Ladies Day 2900 包lift pass 同crepe😋今日藍莓味都幾好食，男仔可以揀神立Go 既套票，包lift pass 同炸雞飯都係4500,平時其他雪場淨lift pass都要4500以上，呢到咁抵梗係多人😆😆

Day3去雪国アグリパーク 湯沢いちご村，今日冇去滑雪，去左摘士多啤梨😋😋越後湯澤站行20分鐘或者揸車5分鐘就到既士多啤梨村，入面有越後姬既士多啤梨，超甜超好食😋😋
入場每人200Yen,可以揀稱重¥290/100g或者30分鐘放題¥1900,店員教我地一盒滿到高出黎既大概300g,我地應該食唔到咁多就揀左稱重🙆🏻‍♀最後食完一盒太甜太好食又去摘多左一盒食😋😋

今日冇去滑雪因為我地要轉酒店😛😛今次試另一間係房入面有私人風呂又包滑雪票既，聽日再戰雪場🤩🤩

Day4 第三次滑雪😝石打丸山滑雪場🤩🤩今朝一早就見到勁大風，部分雪場都冇開，呢間話會開就照去🤣🤣（其實係溫泉旅館已經包左雪票點都去）去到中央口先知太大風，中間d 纜車未開到，又要轉巴士去石口玩綠色線😛雪場大既煩惱，要轉巴士先去到😆😆錯有錯著搵到條好少人又好好滑既線，最後今日滑多左好多，近中午d 風細返所有纜車都開哂，可以滑返去中央口果邊搵野食😋😋去左出名係山中間既燒肉鋪，滑雪都有燒肉食好正😚😚

Day5 滑雪第4場@石打丸山2.0😄
兩日去同一個雪場都完全唔悶，勁大既地方仲有好多想玩既雪道，仲可以好好體驗平日同節假日既分別添😂😂今日係日本建國記念日假期，明明同一個雪場好似唔同左咁，多人勁多，去到邊都要排隊，好彩個場夠大分散下人流，今日上山既纜車x吊椅線終於兩款都開哂，可以試埋佢😝
繼續係雪場食拉麵同牛丼，味道唔錯，仲比人話我好開胃添😂😂滑完搭返雪場3個口同溫泉旅館既接駁巴返去，我地住間野係唯一既旅館站，因為好多人去呢到浸日歸溫泉😚😚

玩左咁多日雪就要返東京繼續行程，呢到同東京只係1個鐘左右既新幹線，好近好方便，又多雪場揀，下次都想再黎😆

Featured by @berry_foodiess